Djúpnæring og málið er dautt!

Aldrei þessu vant þá hef ég horft á alla Júórvisíon þættina þar sem lögin eru kynnt. Og aðeins einu sinni dró ég upp símann og kaus. Það var þegar Eiríkur Hauksson söng þetta fína lag, svona líka rokkaður og tekinn. Mmmm, það var alveg að gera sig hjá mér. 

Setjum djúpnæringu í hárið á honum, kennum honum að segja "ég" í staðinn fyrir "sjég" og við vinnum þessa keppni í eitt skipti fyrir öll. 

 

 

 

Verðum samt að finna einhvern annan sem er flinkur í "kære nordiske venner" málinu til að vera í hinum þáttunum þar sem liðið gagnrýnir lögin. En það er lúxusvandamál.  

  

Athugasemdir

[Heiða B. Heiðars, 10.2.2007 kl. 19:52]

Mér finnst EH allavega voða óheppinn að það skuli engum þykja nógu vænt um hann til að benda honum á þetta grundvallaratriði. Maður heyrir næstum því hárið á honum orga á næringu

[Katrín Snæhólm Baldursdóttir, 10.2.2007 kl. 20:08]

Ég man þegar hann var í vegavinnunni fyrir utan eina búð á horni Hverfisgötu og Klapparstígs ber að ofan, brúnn og mokandi möl með rauða makkann fjúkandi í íslenskri golu. Whoooaa. Hefði tekið hvaða keppni sem er í nefið með eða án djúpnæringar.