Puppy love

Munið þið hvað þið voruð gömul þegar þið fenguð ykkar fyrsta alvöru ástarbréf? Ekki man ég það þrátt fyrir að hafa örugglega verið orðin nokkuð öldruð þegar það gerðist. Enda var ég nörd í Nokia stígvélum og Hekluúlpu fram yfir tvítugt, ef mig misminnir ekki. 

Mér dettur þetta í hug vegna þess að í dag fékk sonur minn, 11 ára gamall, eldheitt ástarbréf frá fyrrum vinkonu sinni sem nú er flutt út á land. Ótrúlega krúttilegt og rosalega lítið við hæfi.

Eymingjans stúlkan situr í einhverju krummaskuði úti á landi þar sem allt er svo tómlegt án sonar míns! Því hún elskar hann svo mikið!

Með bréfinu fylgdu svo tvær síður af teikningum, aðallega af hjörtum og svoleiðis.

Er þetta málið í dag? Ást hjá 11 ára? 

Athugasemdir

[Fararstjórinn, 28.2.2007 kl. 22:47]

Gvöð! þetta er svo krúttlegt! þú verður að passa að þetta týnist ekki, þetta er minning sem gaman er að eiga.

[Jenný Anna Baldursdóttir, 1.3.2007 kl. 00:04]

Dúllulegt! Byrjaði þetta svona snemma þegar við vorum ungar?

[Katrín Snæhólm Baldursdóttir, 1.3.2007 kl. 08:48]

Ahhhh..já ég man að ég var yfir mig ástfangin af strák með brúnt hár, blá augu, freknur og gleraugu þegar ég var 7 ára. Og það var sko alvöru ást..hjartsláttur og fiðrildi í maganum á daginn og draumar um að bjarga honum frá hremmingum á nóttunni. Hún býr djúpt í okkur þörfin fyrir að bjarga karlviðinu..ha?

Voða krúttlegt samt..og hvernig líður karlmenninu litla með allar þessar ástarjátningar?