Deisd and konfjúsd

8.4.2007 | 14:04

Oft er Góa með lásí málshætti

Eða hvað finnst ykkur um þennan:

Þurrlendi er oft ranglega álitið sem stórmennska og feimni sem fáviska!

Já, segi og skrifa ÞURRLENDI!! Hefur væntanlega átt að standa þurrlyndi. Væri ekki ráð að láta prófarkalesa málshættina áður en þeim er troðið í eggin? Málshátturinn úr páskaegginu er hámark páskahátíðarinnar á mínu heimili og nú er bara allt ónýtt
Ég er að vonast til þess að Helgi í Góu sjái þetta og láti senda mér egg af stærstu gerði í sárabætur!

Annars fara páskarnir bara vel af stað. Var með skemmtilegt fólk í smá snarli hér í gær og svo var ostunum og pylsunum sem við Ibbi smygluðum frá Berlín hesthúsað. Töluvert var um gott rauðvín á svæðinu og þegar liðið var á kvöldið leystist samkoman upp í eitt allsherjar fyllerí. Ja, kannski ekki hjá öllum, eða bara frekar fáum. Kannski var ég bara ein um að fá mér aðeins of mikið í tána Það kemur allavega í veg fyrir að ég gúffi í mig páskaeggjum í dag

Flokkur: Bloggar | Breytt s.d. kl. 14:30 | Facebook

Athugasemdir

Gleðilega páska mín kæra.

Ertu að segja að ÞÚ sért þurrlynd eða bara þunn? Má það á páskunum?

Katrín Snæhólm Baldursdóttir, 8.4.2007 kl. 14:20

Ætli það sé ekki best að orða það svo að ég hafi ekki verið alveg þurrbrjósta í gærkvöld. Og þá voru ekki páskar.

En annars held ég að það hljóti að vera í lagi að fá sér vín á kristilegum hátíðum. Hvað var Jesú annars að gera með það að breyta vatni í vín?

Ibba Sig., 8.4.2007 kl. 14:28

Gott hjá þér að vera með fyrirbyggjandi aðgerðir varðandi súkkulaðiát. Ef ég væri ekki búin með brennivínskvótann þá hefði ég dottið í það fyrir dag súkkulaðsins. Gleðilega páska Mrs. Hafnarfjörður!