Flott hjá Samfylkingu, ekki eins smart hjá Sjöllum

Ég er nokkuð hrifin af ráðherravali Samfylkingarinnar. Hefði þó frekar viljað sjá Ágúst Ólaf inni en Björgvin. Enda var Ágúst augljóslega svekktur yfir sínum hlut. En hann er ungur enn og fær örugglega að vera með næst. 

En listi Sjalla er algerlega geldur og dýralæknirinn er aftur settur í fjármálaráðuneytið, arg! Og sem fyrr bera konur skarðan hlut frá borði. Ég er mjög tvístígandi með hvað mér finnst um að Björn sé enn ráðherra dóms- og kirkjumála því ég er afskaplega ósammála honum með margt en ég veit líka að hann er dugnaðarforkur og hann hefur reynst þeim geira sem ég starfa í afskaplega vel og komið mörgum góðum málum í gegn, hratt og örugglega. Það er ekki slæmt að eiga svoleiðis hauk í horni. En bjarta hliðin er sú að Sturla er farinn úr stjórn enda er hann imbecile, eða því sem næst. 

Mikið hlakka ég til að sjá málefnasamninginn sem birtur verður í fyrramálið.  

Þrjár konur og þrír karlar ráðherrar fyrir Samfylkingu

Athugasemdir

[Jenný Anna Baldursdóttir, 23.5.2007 kl. 00:43]

Sammála, sammála, sammála.  Til hamingju. Ég er reyndar ánægðust með Jóhönnu í velferðarmálaráðuneytið.  Smjúts

[Svala Jónsdóttir, 23.5.2007 kl. 12:45]

Líst afar vel á Jóhönnu og Þórunni líka.

En Björn verður varla þarna nema í eitt eða tvö ár. Þá hlýtur tími Guðfinnu að koma!

[Ingi Geir Hreinsson, 23.5.2007 kl. 16:11]

Ekki Guðfinna, Svala. Það verður erfðaprinsinn Bjarni Ben.

[Heiða B. Heiðars, 24.5.2007 kl. 01:13]

Og hvað finnst þér um málefnasamningin Ibba?

Ég þori varla að segja það... en ég held að Björn Bjarna hefði verið fínn í Heilbr.ráðuneytið...svona kall sem þorir að gera óvinsæla hluti og ekki veitir af þar. Held að Guðlaugur sé of.... mikill plebbi 

[Ibba Sig., 24.5.2007 kl. 10:38]

Ég vil sem minnst kommenta á þennan málefnasamning, hann er svo loðinn að það er varla hægt. En ég segi eins og Beta, engin gæsahúð. 

Og Jón Kristófer, ég vann svo sem ekkert gegn stækkun nema á blogginu mínu og í samtölum við fólk og ég kaus á móti. Ég vona bara að mínum flokki beri gæfa til að fara skynsamlega í málin. 

Og sjallar eiga að skammast sín fyrir það hvernig  þeir fara með konurnar í flokknum. Konurnar í flokknum ættu líka að skammast sín fyrir að láta þetta yfir sig ganga enn og aftur. Alltaf eru þær óhæfari en karlarnir. Iss!

[Heiða Þórðar, 27.5.2007 kl. 14:00]

Bara að knúsa þig í tilefni dagsins

[Kristín Björg Þorsteinsdóttir, 2.6.2007 kl. 14:55]

Já og þetta bull í sjálfstæðismönnum að það skipti engu máli hvort það sé kona eða karl.Ég spyr þá bara: þurfa sjálfstæðismenn ekki að fá fleiri dugmiklar konur til sín? Það er aumkunarvert að að stærsti stjórnmálaflokkur landsins skuli bara hafa eina hæfa konu til að gegna ráðherra embætti.....